ලොව දැනට භාවිතා වන ස්මාට් ෆෝන් මාදිලියේ ජංගම දුරකතන වල ඇති මොබයිල් ‍ෆෝන් ඔපරේටින් සිස්ටම් (මොබයිල් ඕ එස්) අතරින් බහුතර වෙළඳපොළ කොටස හිමිකර ගැනීමට ගූගල් සමාගමෙහි ගූගල් ඇන්ඩ්‍රොයිඩ් මොබයිල් ඕ එස් එක සමත් වී ඇත.

එහි වෙළඳපොළ කොටස 33% වේ. දෙවන ස්ථානය නොකියා සමාගමේ සිම්බියන් මොබයිල් ඕ එස් මගින් හිමිකරගෙන ඇති අතර එහි වෙළඳපොළ කොටස 31% වේ. තෙවන ස්ථානය 16% ක වෙළඳපොළ කොටසක් නියෝජනය කරන ඇපල් සමාගමේ අයිඕඑස් වෙත හිමි වේ.

මයික්‍රොසොෆට් සමාගමේ වින්ඩෝස් ෆෝන් මොබයිල් ‍ඔපරේටින් සිස්ටම් සතුව 3% ක වෙළඳපොළ කොටසක් පවතින අතර සුප්‍රසිද්ධ බ්ලැක්බෙරි ජංගම දුරකතන සමඟ එන බ්ලැක්බෙරි මොබයිල් ‍ඔපරේටින් සිස්ටම් සතු වෙළඳපොළ කොටස 14% ක් වේ.

එමෙන්ම 2016 වසර වන විට ඇන්ඩ්‍රොයිඩ් මොබයිල් ඕ එස් මඟින් 45% ක වෙළඳපොල කොටසක් අයත් කර ගනු ඇතැයි සමීක්ෂණ වාර්තා සඳහන් කරයි. මෙහිදී වින්ඩෝස් ෆෝන් මොබයිල් ‍ඔපරේටින් සිස්ටම් භාවිතය 7% දක්වා ඉහළ යනු ඇතැයි ද වාර්තා වේ.

මෙයට අමතරව ස්මාට් ෆෝන් මාදිලියේ ජංගම දුරකතන වල දැනට භාවිතා වන තවත් මොබයිල් ‍ඔපරේටින් සිස්ටම්ස් ගනනාවක් පවතී.

  -  2011-04-01   03:10:00